تدريب فرق المبيعات:
من شرح كثير، لإغلاق أكثر.
فريقك يعرف المنتج زين، بس يخسر صفقات بالسعر والاعتراضات والمتابعة. نشتغل وياك على الفريق نفسه: نقيّم، وندرّب، ونبني سكربتات ونظام متابعة، ونقيس النتيجة بالأرقام لمدة 30 يوم.
إذا تشوف وحدة من هذي بفريقك، البرنامج إلك
“خلي أفكر وأرجعلك”
الزبون يختفي بعد العرض، والفريق ما يعرف شلون يكمّل المحادثة.
الخوف من السعر
البائع ينزل السعر قبل ما الزبون يطلب، أو يتردد بطلب الإغلاق.
ماكو نظام ولا أرقام
كل واحد يبيع بطريقته، وما تعرف وين تضيع المبيعات بالضبط.
خمس مراحل، ونتيجة تنقاس
مكالمة استكشافية
نفهم منتجك وفريقك وأهدافك، ونشوف إذا نكدر نفيدك.
تقييم الفريق
نسمع مكالمات ومحادثات حقيقية، ونحدد ألوان العقل لكل بائع، ونحدد وين تضيع الصفقات.
ورشة تدريب
سيكولوجية البيع، والتعامل ويا الاعتراضات، وتقديم السعر، والإغلاق. حضوري أو أونلاين.
سكربتات ونظام
سكربتات للتلفون والواتساب والزيارة، ونظام متابعة واضح لكل زبون.
متابعة 30 يوم
نتابع الأرقام ويا المدير ونعدّل، لحد ما يصير النظام عادة يومية.
تدريب فرق المبيعات
السعر يتحدد حسب عدد البائعين وطريقة التدريب ومدته، بعد المكالمة الاستكشافية.
- مناسب لفريق من 3 بائعين فما فوق.
- حضوري بالعراق، أو أونلاين للخليج.
- يشمل تقييم ألوان العقل لكل بائع.
- تقرير أسبوعي للمدير خلال المتابعة.
أدوات يستخدمها من باجر
سكربتات جاهزة
للتلفون والواتساب والمقابلة، مكتوبة لمنتجك.
خريطة ألوان الفريق
تعرف شلون تدير وتحفّز كل بائع.
دليل الاعتراضات
جواب جاهز لكل “غالي” و”خلي أفكر” و”أسأل أهلي”.
لوحة متابعة
أرقام بسيطة: كم تواصل، كم عرض، كم إغلاق.
عندك سؤال؟
هل التدريب نظري؟
لا. نبدأ من محادثات ومكالمات فريقك الحقيقية، ونطلع بسكربتات ونظام يشتغلون بيه بنفس الأسبوع.
هل تشتغلون ويا شركات بالخليج؟
نعم، التدريب يكون أونلاين، والمتابعة عن بعد. خصوصاً بالإمارات.
شكد أشوف نتيجة؟
نقيس من أول أسبوع: نسبة الإغلاق والمتابعة. التغيير الحقيقي يبين خلال فترة المتابعة، وهي 30 يوم.
شنو الفرق بينه وبين كورس سيكولوجية المبيعات؟
الكورس للفرد وبسعر ثابت. تدريب الفرق مصمم لشركتك ومنتجك، وياه تقييم ومتابعة.
خلي فريقك يغلق أكثر
مكالمة قصيرة نفهم بيها فريقك ومنتجك، ونقترح عليك خطة التدريب المناسبة.
