فريقك يبيع أكثر،
وأنت ترتاح أكثر.
نبني وياك نظام مبيعات وإقناع وإدارة فريق يشتغل بشكل يومي، مبني على علم النفس وسلوك المستهلك العراقي والخليجي. مو نصائح عامة تقراها وتنساها: نشتغل وياك لحد ما يمشي النظام.
المعلومات موجودة بكل مكان.
الوقت هو اللي ناقص.
صاحب الشركة أو مدير المبيعات يسمع كل يوم “سوي كذا” و”جرب كذا”. بس هو أصلاً مشغول بشغله، وفريقه يحتاج أحد يوجهه، والزبون يحتاج أحد يفهمه.
- فريق المبيعات يشرح كثير ويغلق قليل.
- البيّاع يحچي ويا كل زبون بنفس الطريقة، فيخسر نص الزبائن بدون ما يحس.
- نفس العرض يوصل لكل الناس، وما ينكتب حسب طريقة تفكير الزبون.
- كل موظف يتعامل بأسلوبه، ماكو نظام واحد.
- أنت تصرف وقتك تصلح مشاكل بدل ما تكبّر مشروعك.
ثلاث ركائز، بنظام واحد
نجمع ثلاث أدوات بنظام واحد يمشي بشغلك اليومي.
سيكولوجية البيع والإقناع
ليش الناس تشتري، وشلون تقدّم السعر، وشلون تتعامل ويا “خلي أفكر”. مستلهمة من أعمال براين تريسي وروبرت تشالديني، ومطبّقة على السوق العراقي.
ألوان العقل
كل شخص يفكر ويقرر بطريقة. نعلمك أنت وفريقك شلون تقرون أسلوب الزبون والموظف، وتحچون ويا كل واحد باللغة اللي يفهمها.
أنظمة وحملات المبيعات
رسالة واضحة بأسلوب StoryBrand، وحملات إطلاق، وسكربتات، ومتابعة. يعني نظام يتكرر كل شهر، مو مجرد محاولات.
كل زبون يشتري بطريقة. اعرف لونه، تعرف شلون تبيعه.
ألوان العقل تقسم طريقة التفكير واتخاذ القرار لأربعة ألوان. لكل لون محتوى يشده، وعرض يناسبه، ووقت تبيعه بيه، ووقت لازم توقف.
الأحمر: المنجز الحاسم
يريد النتيجة بسرعة، ويقرر بسرعة.
- المحتوى اللي يشده: النتيجة بأول سطر، قبل وبعد، كلام قصير.
- العرض المناسب: باقة وحدة واضحة: شنو يستفيد، وشوكت يشوف النتيجة.
- متى تبيعه: لما يسأل «شكد وشوكت؟». ادخل بالسعر والخطوة الجاية مباشرة.
- متى لا: لا تطوّل بالشرح، ولا تأجل جوابه.
- شلون تحچي وياه: رسائل قصيرة، خيارين بس، وقرار.
الأزرق: صانع الثقة
يشتري منك قبل ما يشتري المنتج.
- المحتوى اللي يشده: كلام إنساني، وجه البيّاع، تجارب ناس حقيقيين.
- العرض المناسب: ضمان أو تجربة، ومتابعة شخصية بعد البيع.
- متى تبيعه: بعد ما يرتاح لك ويطلب رأيك.
- متى لا: بأول رسالة، أو بضغط «العرض ينتهي اليوم».
- شلون تحچي وياه: اسأله عن وضعه، اسمعه، طمّنه، وتابع بلطف.
الأخضر: المبادر
يحب الفكرة الجديدة والسبب ورا الشي.
- المحتوى اللي يشده: فكرة مختلفة، «ليش»، والصورة الكبيرة.
- العرض المناسب: شي جديد، أو فرصة يكون من أول الناس اللي يجربوه.
- متى تبيعه: وهو متحمس للفكرة. اربطها بأول خطوة سهلة.
- متى لا: لا تغرقه بالشروط والتفاصيل قبل ما يقتنع بالفكرة.
- شلون تحچي وياه: ابدأ بالسبب والرؤية، والتفاصيل بعدين.
البنفسجي: المنظم الضامن
يحتاج كل المعلومات حتى يرتاح ويقرر.
- المحتوى اللي يشده: تفاصيل، مقارنات، خطوات، أسئلة شائعة.
- العرض المناسب: كل شي مكتوب وواضح، بدون مفاجآت.
- متى تبيعه: بعد ما يخلص أسئلته ويسأل «شنو الخطوة الجاية؟».
- متى لا: لا تستعجله ولا تقول «قرر هسه».
- شلون تحچي وياه: جاوب بدقة، ودزله ملف مرتب، واعطيه وقت.
ملاحظة: ألوان العقل أداة عملية للتواصل والبيع، مو اختبار نفسي، وكل شخص بيه أكثر من لون، بس واحد يغلب وقت القرار.
اختار اللي يناسب مرحلتك
البرامج الكبيرة تبدأ بمكالمة استكشافية، حتى نتأكد إنها تفيدك قبل ما تدفع.
للمدراء والفرق
افهم شلون يفكر كل زبون وكل بيّاع: شنو يقنعه، وشنو يطيّره، ومتى تبيعه.
المبيعات
تقييم الفريق، وورشة تدريب، وسكربتات، ومتابعة 30 يوم بالأرقام.
المبيعات
14 حلقة عملية، ومعاها مكالمة متابعة 30 دقيقة. مناسب تدرب بيه موظف جديد.
المشاريع الرقمية
من الفكرة لأول مبيعة: دراسة، وتصميم منتج، وبناء، وإطلاق.
الاستشارية
90 دقيقة نحدد بيها مشكلة وحدة ونطلع بخطة عمل تطبّقها.
تطبيقات وأنظمة
تطبيقات، ومنتجات رقمية، وأنظمة إدارة عملاء، نبنيها لمشروعك.
نشتغل ويا ناس عندهم مشروع حقيقي
شغلنا الأساسي ويا الشركات اللي عندها فريق مبيعات وأهداف واضحة، وويا المدراء اللي يريدون فريقهم يفهم الزبون قبل ما يبيعه. ناس تحچي وياهم وتتعلم منهم، مثل ما يتعلمون منك.
- مدراء مبيعات يريدون فريقهم يقرأ الزبون ويعرف متى يبيع ومتى يوقف.
- شركات عندها فريق مبيعات وتريد توصل لأهدافها الشهرية.
- أصحاب مشاريع بالعراق والخليج، خصوصاً الإمارات.
ومو مناسب إذا…
- هدفك مشاهدات بس، بدون مبيعات.
- تريد وصفة سحرية بدون تطبيق.
- ما عندك وقت تجلس ويا فريقك ولو ساعة بالأسبوع.
نطبّق على مشاريعنا قبل ما نعلّمك
مشاريع حقيقية
نبني ونشغّل منتجاتنا بنفس الطريقة اللي نعلمها: ثبّت، ومتمم، ومجدد.
السوق العراقي والخليجي
أمثلة وسكربتات من سوقنا، مو مترجمة من كتب أمريكية.
علم النفس والسلوك
نفهم شلون الإنسان يقرر ويشتري، ونبني عليها، مو على الحدس.
ننفذ وياك
نوفر عليك الوقت والجهد: نوجّه فريقك ونكمّل وياك، مو بس نعطيك معلومة.
المدرب حسن محمد
مستشار تسويق ومبيعات، اشتغل سنين طويلة بالتسويق والمبيعات ويا الشركات وأصحاب الخدمات. مؤسس نادي العقل، ويبني منتجات رقمية لأصحاب المشاريع.
درس التصوير والمونتاج والإخراج حتى يفهم المحتوى من جوه، ويدرس هسه ألوان العقل حتى يدرّب المدراء وفرق المبيعات على قراءة الزبون والتعامل وياه حسب لونه.
نبدي بمكالمة استكشافية
نحچي عن مشروعك وفريقك، ونشوف سوة إذا برامجنا تفيدك. وإذا ما تفيدك، نكولها بصراحة.