فريقك يبيع أكثر،
وأنت ترتاح أكثر.
نبني وياك نظام مبيعات وإقناع وإدارة فريق يشتغل بشكل يومي، مبني على علم النفس وسلوك المستهلك العراقي والخليجي. مو نصائح عامة تقراها وتنساها: نشتغل وياك لحد ما يمشي النظام.
المعلومات موجودة بكل مكان.
الوقت هو اللي ناقص.
صاحب العيادة أو الشركة يسمع كل يوم “سوي كذا” و”جرب كذا”. بس هو أصلاً مشغول بشغله، وفريقه يحتاج أحد يوجهه، والمراجع أو الزبون يحتاج أحد يفهمه.
- فريق المبيعات يشرح كثير ويغلق قليل.
- الاستقبال يخسر مراجعين على التلفون والواتساب بدون ما يحس.
- المحتوى موجود بس ما يتحول لحجوزات ومبيعات.
- كل موظف يتعامل بأسلوبه، ماكو نظام واحد.
- أنت تصرف وقتك تصلح مشاكل بدل ما تكبّر مشروعك.
ثلاث ركائز، بنظام واحد
نجمع ثلاث أدوات بنظام واحد يمشي بشغلك اليومي.
سيكولوجية البيع والإقناع
ليش الناس تشتري، وشلون تقدّم السعر، وشلون تتعامل ويا “خلي أفكر”. مستلهمة من أعمال براين تريسي وروبرت تشالديني، ومطبّقة على السوق العراقي.
ألوان العقل
كل شخص يفكر ويقرر بطريقة. نعلمك أنت وفريقك شلون تقرون أسلوب الزبون والموظف، وتحچون ويا كل واحد باللغة اللي يفهمها.
أنظمة وحملات المبيعات
رسالة واضحة بأسلوب StoryBrand، وحملات إطلاق، وسكربتات، ومتابعة. يعني نظام يتكرر كل شهر، مو مجرد محاولات.
اختار اللي يناسب مرحلتك
البرامج الكبيرة تبدأ بمكالمة استكشافية، حتى نتأكد إنها تفيدك قبل ما تدفع.
للمدراء والفرق
افهم أسلوب تفكير كل موظف ومراجع، وأدِر فريقك بدون صدامات.
المبيعات
تقييم الفريق، وورشة تدريب، وسكربتات، ومتابعة 30 يوم بالأرقام.
المبيعات
14 حلقة عملية، ومعاها مكالمة استشارية. مناسب تدرب بيه موظف جديد.
المشاريع الرقمية
من الفكرة لأول مبيعة: دراسة، وتصميم منتج، وبناء، وإطلاق.
الاستشارية
90 دقيقة نحدد بيها مشكلة وحدة ونطلع بخطة عمل تطبّقها.
تطبيقات وأنظمة
تطبيقات، ومنتجات رقمية، وأنظمة إدارة عملاء، نبنيها لمشروعك.
نشتغل ويا ناس عندهم مشروع حقيقي
أفضل نتائج شفناها كانت ويا أصحاب الخدمات، خصوصاً الأطباء والعيادات، والشركات اللي عندها فريق مبيعات وأهداف واضحة. ناس تحچي وياهم وتتعلم منهم، مثل ما يتعلمون منك.
- عيادات ومراكز طبية وتجميلية تريد حجوزات أكثر وتعامل أحسن ويا المراجعين.
- شركات عندها فريق مبيعات وتريد توصل لأهدافها الشهرية.
- أصحاب مشاريع بالعراق والخليج، خصوصاً الإمارات.
ومو مناسب إذا…
- هدفك مشاهدات بس، بدون مبيعات.
- تريد وصفة سحرية بدون تطبيق.
- ما عندك وقت تجلس ويا فريقك ولو ساعة بالأسبوع.
نطبّق على مشاريعنا قبل ما نعلّمك
مشاريع حقيقية
نبني ونشغّل منتجاتنا بنفس الطريقة اللي نعلمها: ثبّت، ومتمم، ومجدد.
السوق العراقي والخليجي
أمثلة وسكربتات من سوقنا، مو مترجمة من كتب أمريكية.
علم النفس والسلوك
نفهم شلون الإنسان يقرر ويشتري، ونبني عليها، مو على الحدس.
ننفذ وياك
نوفر عليك الوقت والجهد: نوجّه فريقك ونكمّل وياك، مو بس نعطيك معلومة.
المدرب حسن محمد
مستشار تسويق ومبيعات، اشتغل سنين طويلة ويا قطاع التجميل والعيادات وأصحاب الخدمات. مؤسس نادي العقل، ويبني منتجات رقمية لأصحاب المشاريع.
درس التصوير والمونتاج والإخراج حتى يفهم المحتوى من جوه، ويدرس هسه ألوان العقل حتى يدرّب المدراء والأطباء على التعامل ويا الموظفين والمراجعين.
نبدي بمكالمة استكشافية
نحچي عن مشروعك وفريقك، ونشوف سوة إذا برامجنا تفيدك. وإذا ما تفيدك، نكولها بصراحة.
