كورس سيكولوجية المبيعات
14 حلقة عملية تفهم بيها ليش الناس تشتري، وشلون تقنع بدون ضغط، وشلون تقدم السعر وتغلق البيع بثقة. ومعاه مكالمة استشارية وياي بعد ما تخلص.
مستلهم من أفكار كتب سيكولوجية البيع لبراين تريسي، والتأثير لروبرت تشالديني، وإطار StoryBrand، ومطبّق على السوق العراقي.
للي يريد يبدأ صح، أو يدرب موظف جديد
- موظف مبيعات أو استقبال يريد يقنع أكثر.
- صاحب مشروع يريد يدرب موظف جديد بدون ما يصرف وقته.
- مدرب أو مختص يريد يفهم سيكولوجية البيع قبل ما يبيع خدمته.
- أي شخص يريد يجرب أسلوبنا قبل البرامج الكبيرة.
سيكولوجية المبيعات
دفعة وحدة
- 14 حلقة فيديو قصيرة وعملية.
- تمارين تطبيقية بعد كل حلقة.
- مكالمة استشارية بعد ما تكمل الكورس.
الحلقات الـ 14
ليش الناس تشتري؟
العقل يقرر قبل الجيب: شلون يصير قرار الشراء فعلاً.
عقلية البائع
الثقة، والخوف من الرفض، وشلون تشوف نفسك كمستشار مو بياع.
اكتشف حاجة الزبون
أسئلة الاكتشاف اللي تخلي الزبون يحچي ويكشف شنو يريد.
اقرأ زبونك بألوان العقل
شلون تعرف أسلوب تفكير الزبون من أول دقائق وتحچي بطريقته.
مبادئ التأثير (1)
المعاملة بالمثل، والالتزام، والإعجاب، بأمثلة من سوقنا.
مبادئ التأثير (2)
الدليل الاجتماعي، والسلطة، والندرة، بدون ضغط ولا كذب.
القصة اللي تبيع
إطار StoryBrand: الزبون بطل القصة، وأنت المرشد.
تقديم السعر بثقة
شلون تحچي بالسعر بدون ما ترتجف، وشلون تبيّن القيمة قبله.
الاعتراضات
“غالي”، و”خلي أفكر”، و”أسأل أهلي”: شنو يقصد الزبون فعلاً، وشلون ترد.
فن الإغلاق
أساليب إغلاق عملية، ومتى تطلب القرار.
البيع على الواتساب والانستغرام
رسائل تبدأ محادثة وتكمّلها لحد الحجز أو الدفع.
البيع في العيادات والخدمات
المراجع مو زبون عادي: الثقة، والخوف، والقرار العائلي.
المتابعة
المتابعة اللي تكمّل البيع بدون إزعاج، وشلون ترجع زبون قديم.
نظامك الشخصي للمبيعات
خطة 30 يوم تطبق بيها كل اللي تعلمته، وبعدها المكالمة الاستشارية.
عندك سؤال؟
شلون أشاهد الحلقات؟
بعد الاشتراك نرسلك طريقة الوصول للحلقات، وتكدر تشوفها بالوقت اللي يناسبك.
شلون أدفع؟
نتفاهم على طريقة الدفع بالواتساب، وتتوفر طرق دفع عراقية.
متى تكون المكالمة الاستشارية؟
بعد ما تخلص الحلقات، نحجز مكالمة نراجع بيها تطبيقك ونجاوب على أسئلتك.
أريد أدرب فريق كامل، شنو أختار؟
للفريق الكامل، برنامج تدريب فرق المبيعات أنسب، لأنه مصمم لمنتجك وفريقك.
